DAR, maglugway ug dugang panabang-legal sa mga benepisyaryo sa CARP

Ni Alfonso T. Ruda

DIPOLOG CITY, APR.5(PIA)---Dili na karon kinahanglang moadto pa sa pribadong abogado ang mga benepisyaryo sa Comprehensive Agrarian Reform Program (CARP) para sa mga serbisyong legal may kalabutan sa ilang problema sa panguma.

Kini human natawo sa DAR ang trained-in-house legal support and services teams nga maoy motabang kanila.

Kining maong teams maoy motabang sa mga benepisyaryo ug sa ilang organisasyon aron makakuha ug production credit, masiguro ang mga kinahanglanong-legal para sa kasabutan sa merkado, makaangkon ug tukmang pagsabot sa mga agri-insurance contracts, ug uban pang kinahanglanong legal para sa pagsugod ug pagmintinar sa ilang panginabuhi.

Matod pa ni DAR Sec. Virgilio de los Reyes, kini kaniadto gihuptan lang sa support services staff sa DAR apan kini gitambayayongan na sa legal officers sa DAR aron pagbug-os sa mga legal documents nga gikinahanglan pagkuha ug support services.(ATR/PIA9-Zambo Norte)