Pres. Aquino mipahalipay sa PMA Pudang Kalis Class of 2013

ni Alfonso T. Ruda

DIPOLOG CITY, MAR. 18(PIA)--- Gipahalipayan ni Presidente Benigno Aquino III                                                                                                                                                                                                                                                                                            ang mga migradwar nga kadete sa Philippine Military Academy karong tuiga nga mitawag sa ilang kaugalingon nga membro sa “Pudang Kalis.”

Matod pa ni Presidente Aquino, ang Pudang Kalis Class sa 2013 puno sa sugilanon sa mga kalalakihan ug kababayin-an nga nakigbisog batok sa ilang bahin sa kalisdanan ug paggawas nga nagmadaugon.

Partikular nga gitumbok sa Presidente ang Valedictorian karong tuiga nga si Jestoni Lanaha nga malampusong mibuntog sa mga pagsulay sa iyang kinabuhi sa wa pa mahimong kadete sa PMA.

Si Jestoni Lanaja, nga taga-Hagonoy, Davao Oriental, usa lang ka anak ug mananggete, kang kansang igsoong lalaki wa gani makatungha sa kolehiyo, naghupot na karon Presidential Saber nga mao ang timailhan sa iyang pagka-Valedictorian.(ATR/PIA9-Zamboanga del Norte)