Presidente Aquino midawat sa bag-ong Egyptian envoy sa Malakanyang

By Mary May A. Abellon

DIPOLOG CITY, May 21 (PIA) -- Mainitong gidawat ni Presidente Benigno S. Aquino III ang bag-ong envoy gikan sa Arab Republic of Egypt ngadto dinhi sa Pilipinas nga mitawag kaniya sa Malakanyang sa Lunes. 

Si Mahmoud Mostafa Ahmed nga usa ka Ambassador Extraordinary and Plenipotentiary sa Egypt nakigkita ni Presidente Aquino sa Music Room sa Malakanyang para ipakita ang iyang credentials ayha magsugod sa iyang trabaho isip representante sa iyang nasud. 

Sa usa ka humubo nga menssahe, gi siguro ni Ambassador Mahmoud sa Presidente ang padayon nga panaghigalaay ug kooperasyon sa mga katawhan ug ang Egypt ug misumpay nga siya magatrabaho padung sa paglig-on sa maayong bilateral nga relasyon kauban ang Pilipinas.

Malakanyang dili mabalaka sa water shortage karong tag-init; miingon init karon madala pa

By Mary May A. Abellon

DIPOLOG CITY, April 29 (PIA) - - Wala nabalaka ang malakanyang nga kung unsa ka taas ang temperatura nga nasinati karon sa nasud mahimong  rason sa water shortage, miingon nga gi laraw sa Philippine Atmospheric Geophysical and Astronomical Services Administration (PAG-ASA) nga ang ting-init mu lungtad ikaduhang semana sa Mayo.

Sa usa ka panayam nga gisibya sa dzRB Radyo ng Bayan, usa ka istasyon sa radyo gipadagan sa gobyerno, miingon si Deputy Presidential Spokesperson Abigail Valte nga ang kainit ug humidity nga nasinati kay dili angay ikabalaka. (MAA/PIA-Zamboanga del Norte)

Pagpili sa “outstanding private employees” gi lunsad sa Dipolog

By Mary May A. Abellon

DIPOLOG CITY, April 24 (PIA) - - Ang Tripartite Industrial Peace Council (TIPC) kauban sa kagamhanang lokal sa Dipolog, sa Department of Labor & Employment (DOLE) Zamboanga del Norte field office ug mga isponsor gikan sa pribado nga sektor gilusad kaniadtong Sabado ang “2013 Search for Outstanding Employees in the private sector.”

Gitagaan ug pag-ila niini ang angayan nga mga trabahante sa syudad nga naglayon sa pagdasig sa ilang maayong gawi ug katakos sa panabraho.

Naa kini lima ka kategorya, sama sa, “sales clerk category”, “utility worker category”, “tricycle category”, “food attendant category”, ug ang kategorya sa “kasambahay”.

Ang mudaog pagahatagan ug lima ka libo asta plake.

Kutob karong May 6, 2013 ang pagdawat sa mga nominasyon ug karong May 30 ihatag ang mga pasidungog sa alas-sais sa gabii sa Top Plaza Hotel ning syudad. (MAA/PIA-Zamboanga del Norte) 

ZNPPO mupahigayon ug “unity walk og interfaith prayer rally”

Mary May A. Abellon

DIPOLOG CITY, April 16 (PIA) - - Mupahigayon ang pamunuan sa Zamboanga del Norte Police Provincial Office (ZNPPO) ug usa ka unity walk og interfaith prayer rally alang sa tuyo ug tumong nga hapsay nga piniliay kauban ang panaghiusa sa kapulisan ug katawhan.

Pagahimuon kini karong April 22, 2013 nga pagasugdan sa P’gsalabuk Circle Rotonda sa Turno ning syudad sa may alas-kwatro ang takna sa hapon ug matapos ngadto sa Dipolog Boulevard ug sugdan dayon ang hamubo nga programa.  

Gi-awhag ang mga katawhan o organisasyon nga musalmot niining kalihukan.

Sa dugang kasayuran, palihog bisita sa Police Community Relations Office sa Camp Hamac, Sicayab niining syudad  ug pakigkita ni PCINSP  Charisse B. Yabo, PCR Officer o mahimong mukontak sa numero 090886220047 o sa 065 212-5502. (MAA/PIA9-Zambo Norte)

Gikatahong pagdakop sa 30 ka mga Pinoy sa Saudi, Gisusi sa DFA

Ni Alfonso T. Ruda

DIPOLOG CITY, APR. 5(PIA)--- Gisusi na karon sa Dept. of Foreign Affairs ang tahong dunay 30 ka mga Filipino nga walay tukmang dokumento ang nadakpan sa nagpadayong illegal migrant crackdown sa Saudi Arabia.

Matod pa ni Foreign Affairs spokesman Raul Hernandez, wala silay namonitor nga mga Filipino nga nakalapas sa bag-o ug naamendahang Saudi Labor law. Apan ang konsulada sa Jeddah nakadawat ug taho nga 30 ka mga Filipino ang nadakpan sa mga otoridad sa Saudi.

Ang Saudi Arabia nga mao karon ang nagsilbing pinuy-anan sa kapin sa usa ka milyon ka mga Filipino mironda sa mga buhatan ug nagpahimutang ug mga checkpoints sa nagkalain-laing bahin sa nasod sa tinguhang malimpiyohan ang ilang labor force gikan sa mga illegal workers.

Alayon niini, giawhag ni Hernandez ang mga Filipino nga tua sa maong nasod nga sundon ang gabayan sa trabaho ug residency permit, ingon man gipahinumdoman usab sila pagrenew niini sa gitakdang panahon.(ATR/PIA9-Zambo Norte)